هذي قصيدة لشاعر بندر تركي ابن هليل الشيباني قالها في الشيخ سلمان ابن عبد الله الفراج السبيعي رئيس مركز الفراج في رماح
اترككم مع القصيدة

ابي اتمثل بالبيوت الجدادي=في واحد يضحك اقبالي محياة

جيتة ما اعرفة شخص ماهوب عادي=ورحب وهلا كنني من دناياة

ثم قلت تعرفني وتعرف بلادي=يوم انت باترحاب تفعل كذياة
ثم قال هاذي عادتي وعتيادي=اكرم الطرقي ولا انشد عن اقصاه
عادة قبايلنا وعادت اجدادي=وكلاً على عادت جدودة بممشاه
حنا سبيع اهل الفخر والشدادي=سلمان وانشد عننا من توراة
قلت اعرف الطاري وعلمك وكادي=انت الكرم والجود وانت المحاماه
بين المفرج قلت ولا المهادي=كلاً من الاثنين تحمل مزاياة
في الحاضرة ذكرك وعند البوادي=من حيث ما انهج ذكركم قدمي القاة
سلمان من سماة ماهوب غادي=اسما ينومس في الجزيرة مسماه
اسما تميز فية اسماً قيادي=كلاً تمنا ابوة بالاسم سماه
والله ما اقولة لجل احقق مرادي=ولا اقصد وراء ما اقول مطلوباً ابغاه
لاكن ابي احمد للجمايل ينادي=للي يجي صدفة وللي تنصاه
اسبيع تفخر بة اطوال الايادي=وكثير في السبعان تلقا حلاياة
اهل الفخر واهل المهار الجيادي=طراحة الملبس نهار المثاراة
من زارهم حاديه في الوقت حادي=ياجد هلا وسط البيوت المبناه
وحنا عتيبة بالفخر والعنادي=من هم فينا نلطمة و نتحداه
يوم المواجة بالقنا والطرادي=وكلاً رفع سيفة وطوح بشلفاه
يجي لنا عند التوالي تنادي=طريحنا سحم الضرايا تعشاة
وكل القبايل يوم وقت الجهادي=كلا يدافع دون حقه بيمناه
ومن بعد اخو نوره على الجو سادي=كلا حمد ربه وفلا بمفلاه