 |
|
|
 |
 |
 |
 |
 |
09-12-2009, 03:43 AM
|
#1 (permalink) | |
|
عــضــو مـمــيـز
أوسمــة العضو
|
الشريف البركات
هذه القصيدة لشريف البركات يوصي ابنه مالك في الحقيقة انها من أعظم القصائد لما فيها من الحكم والمواعظ والعبر اتمنى أن تنال إعجابكم يالله ياللي كل الأمّات ترجـيـك =يا واحد ٍ ما خاب حي ٍ ترجاك يارب عبد ٍ ما مشى في معاصيك= ما يمشي الا في محبتك ورضاك يـا مرقـب ٍ بالصبح نطّيت راقيك=ما واحد ٍ قبلي خبرته تعلاك وليّـت يا ذا الدهر مكثر بلاويك=الله يزودنا السلامة من اتلاك ياللي على العربان عمت شكاويك=وليت يا دهر الشقا أول مقواك واليوم ها الكانون غاد ٍ شبابيك=تلعب به الارياح من كل شباك يا مالك اسمع جابتي يوم أوصيّك=وافطن ترى يابوك بآمرك وانهاك وصيّة ٍ من والد ٍ طامع ٍ فـيك=تسبق على الساقة لسانه لعلياك أوصيك بالتقوى عسى الله يهديك=لها وتدركها بتوفيق مولاك الله برب اجدادك الغر يعطيك=رضاه مع ما تمنّى من مناك إحفظ دبشك اللي عـن الناس مغنيـك=أللي ليا بان الخلل فيك يرفاك واعرف ترى مكة حكمها بناخيك=لو تشحذه خمسة ملاليم ما اعطاك إجعل دروب المرجلة من معانيك=واحذر تميّل عن درجها بمرقاك لا تنسدح عنها وتبغاني اعطـيك=جميع ما يكفيك ما حاصل ٍ ذاك أدّب ولدك إن كان تبغيه يشفيك=واستسعفه من بعد مرباه بـالاك إما سمج واستسمجك عند شانيك=ويفرّ من فعله صديقك وشرواك والاّ بعد جهله ترى هو بياذيك=لو زعلت امه لا تخليه يالاك واحذر تضيّع كل من هـو ذخر فيك=معروف لا تنساه واوفه بعرفاك ترى الصنايع بين الاجواد تشريك=اليا طمعت بغرسها لا تعدّاك واحذر سرور بغبّة البحر يرميك=ولا عنده افلس من تشكّيك وابكاك واوف الرجال حقوقها قبل تعنيك=لا تعتمد بالقول فالحق يقفاك وهرج النميمة والقفا لا يجي فيك=واياك عرض الغافل اياك إياك تبدي حديث ٍ للملا فيه تشكيك=وتهيم عند الناس بالكذب واشراك واليا نويت احذر تعلم بطاريك=كم واحد ٍ تبغي به العرف واغواك واحذر شماتة صاحب ٍ لك مصافيك=واليا جرى لك جاري ٍ قال لولاك ولا تحسب إن الله قطوع ٍ يخليك=ولا تفرح إن الله على الناس بدّاك الضيف قدّم له هلا حين يلفيك=ومما تطوله يا فتى الجود يمناك إحذر تلقّي الضيف مقرن علابيك=خله محب ٍ لك صديق ٍ إذا جاك واوصيك زلات الصديق إن عثا فيك=ما زال يغطاهـا الشعر فاحتمل ذاك راعه ولو ما شفت إنه يراعيك=عساك تكسر نيته عن معاداك واحذر عدوك لو ظهر بي يصافيك=خلك نبيه وراقبه وين ما جاك لا تأمنه واطلب من الله ينجيّك=ويكفيك ربك شر ذولا وذولاك شفني أنا يابوك بآمرك وانهـيك=عن التعرض بين الاثنين حذراك إذا حضرت طلابة ٍ مع شرابيك=إسع لهم بالصلح واللاش يفداك إبـذل لهم بالطيب ربك ينجّيك=ولا تجضع الميزان مـع ذا ولا ذاك أما الشهادة فادّها إن دعوا فيك=بيّن عمود الدين لا عميت ارياك بالك تماشي واحد ٍ لك يردّيك=طالع بني جنسك وفكّر بممشاك رابع أصيل ٍ في زمانك يشاكيك=لا شاف خملاتك عن الناس غطاك واحذرك عن طرد المقفيّ حذاريك=عليك بالمقبل وخل مـن تعداك ثم العن الشيطان لياه يغويك=ترى ان تبعته للشرابيك وداك واوصيك لا تشكي علينا بلاويك=أنت السبب طرفك عيونك بيمناك واعرف ترى اللي من وطا (الفعر)واطيك=ولا انته أعز من الجماعة هـذولاك ألمسك يا راسي من الذل واخطيك=واحذر تكلم يا لساني حذاراك والطف بجارك ثم قم دون عانيك=وافطن لما يعنيك عن ربعة اخواك يا ذيب وان جتك الغنم في مفاليك=فاكمن إلين ان الرعايا تعدّاك من اول يا ذيب تفرس بياديك=واليوم جاء ذيب ٍ عـن الفرس عـدّاك يا ذيب عاهدني واعاهدك ما ارميك=ما ارميك أنا ياذيب لو زان مرماك والنفس خالف رايها قبل ترميك=ترى لها الشيطان يرمي بالاهلاك ومن بعد ذا لا تصحب النذل يعديك=وعن صحبة الأنذال حاشاك حاشاك ترى العشير النذل يخلف طواريك=وانا ارجي انك ما تجي دون آباك والهقوة انك ما تجي دون اهاليك=ولا اظن عود الورد يثمر يتنباك والحر مثلك يستحي يصحب الديك=وان صاحبه عاعا معاعات الادياك لا تستمع قول الطرف يوم يلفيك=بالكذب يقضي حاجته كل ما جاك ومن نم لك نـم بـك ولا فيه تشكيك=وإلياه قد أزرى رفيقك وأزراك عندك حكى فينا وعندي حكى فيك=وأصبحت مبغضنا وحنا كرهناك ما اخطاك ما صابك ولو كان راميك =واللي يصيبك لو تتقيت ما اخطاك مار استمع مني عسى الله يهديك=والنصح يا مالك لك الله لمولاك عندي مظنّة ما تمثلتها فيك=واطلب لك التوفيق من عند مولاك |
|
التعديل الأخير تم بواسطة المشرف العام ; 09-12-2009 الساعة 07:16 AM. سبب آخر: تنسيق قصيدة رائعة |
||
|
    
|
|
23-12-2009, 04:27 PM
|
#6 (permalink) | |
|
مـشــرفــــة عـــالـــم حــــــواء
أوسمــة العضو
|
رد: الشريف البركات
وفقكم الله... |
|
|
||
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
 |
 |
العرض العادي
